په د روان لمریز کال په لومړیو شپږو میاشتو کې افغانستان د اینجې او زعفرانو په صادراتو کې نږدې ۸۰ میلیونه ډالر ترلاسه کړي. د دې زراعتي محصولاتو د صادراتو عمده بازارونه هند، پاکستان، چین، متحده عربي امارات، ازبکستان او امریکا دي. چې په دې موده کې له هيواد څخه ۶۱۷ ټنه اینجه د ۵۷ میلیونه ډالرو په ارزښت صادره شوې ده.

اینجه او زعفران د افغانستان له مهمو زراعتي محصولاتو څخه دي چې په بهرنیو بازارونو کې د پام وړ تقاضا لري. دا محصولات د افغانستان لپاره نه یوازې اقتصادي ګټه لري، بلکې په نړیواله کچه د هېواد زراعتي سکټور شهرت ته وده ورکوي. په همدې ترتيب، سږ کال د افغانستان زعفران د نهم ځل لپاره د بلجیم په نړیواله سیالۍ کې د نړۍ د غوره کیفیت لرونکو زعفرانو په توګه وپیژندل شول.

د زراعتي صادراتو د لا زیاتوالي لپاره اړتیا ده چې کروند ګرو او صادرونکو تجارانو ته لازمې اسانتیاوې برابرې شي. په خاصه توګه د نوي بازارونو موندل او د ګمرکي تعرفو په برخه کې د اسانتیاؤ راوستل به مرسته وکړي چې د دې محصولاتو صادرات لا نور هم زیات شي.

دا پرمختګونه نه یوازې د افغانستان اقتصادي وده پیاوړې کوي، بلکې د کروندګرو او صادرونکو تجارانو لپاره په نړیوالو بازارونو کې د لویو فرصتونو په برابرولو کې مهم رول لوبوي.