چین له افغانستان سره د سوداګریزو اړیکو په پراختیا کې نوې هڅې پیل کړى دي، چې پکې د افغان صادراتو پر ګمرکي تعرفو د صفر سلنه مالیې لګول شامل دي. دا اقدام له دې امله ځانګړی اهمیت لري چې د افغانستان او چین ترمنځ شاوخوا یو میلیارد ډالر کلنۍ سوداګریزه راکړه ورکړه ترسره کېږي. د دې اعلان په تعقیب، په چین کې د افغانستان صادراتو کچه په ۲۰۲۴ کې ۱۱.۵ سلنه زیاته شوې، او اټکل کېږي چې په راتلونکي کال کې به دا شمېره ۲۵ سلنه زیاته شي.

په دغه نوې اقتصادي پالیسۍ کې، افغان صادراتو ته مالیاتي امتیازات ورکړل شوي، چې په دى سره به افغان سوداګرو ته آسانتیاوې برابرې شي او په بیجنګ کې به د افغان صادراتو پراختیا امکان زیات شي. له دې اقدام سره سره، د افغانستان د سوداګرۍ ارزښت په روان کال کې ۵۴۸ میلیونه ډالرو ته رسېدلی چې ۱۲ میلیونه ډالر یی صادرات دي.

د دغه پرمختګونو ترڅنګ، چین په پام کې لري چې د تاجکستان له لارې افغانستان لپاره نوی اقتصادي دهلیز جوړ کړي، چې دا به د افغانستان لپاره له اقتصادي اړخه نوې لارې چارې برابرې کړي. د واخان دهلیز ددې پروژې مهمه برخه ګڼل کېږي، او په دې سیمه کې د سړکونو رغنیزې چارې روانې دي. دا هڅې ښيي چې په راتلونکو میاشتو کې به په دې برخه کې زیات پرمختګ وشي، چې دا په اوږدمهال کې د افغانستان اقتصاد ته یوه لویه لاسته راوړنه بلل کېږي.

د چین او افغانستان ترمنځ سوداګریز بهیر په وروستیو کلونو کې ګټور ثابت شوی، او له افغانستانه چین ته د جلغوزیو په څېر تولیدات د دې صادراتي بهیر یوه مهمه برخه ګڼل کېږي. سربیره پردی، چین په نړیواله کچه د "يو کمربند او يوې لارې" په پروژه کې چی ٦٢ ميليارده ډالره پانګونه پرې کيږي غواړي افغانستان ته هم ځای ورکړي، چې دا نوښت له ګوادر بندر سره د افغانستان د نښلولو لپاره اغېزناک ثابتېدی شي.

دا اقتصادي امتیازات به د افغان صادراتو د پراختیا او د نوو بازارونو په موندلو کې مرسته وکړي.