11 ساعتونه وړاندې
x
ډېر پلټل شوي
05 Aug
د افغانستان او هند ترمنځ د سوداګرۍ کچه ۶۵۰ میلیونه ډالرو ته رسېدلې
لیکوال: کامران نوري
د ۲۰۲۴ کال په لومړیو لسو میاشتو کې د افغانستان او هند ترمنځ د سوداګرۍ کچه شاوخوا ۶۵۰ میلیونه ډالرو ته پورته شوې، چې د دې راکړې ورکړې تر ټولو مهمه برخه صادرات دي. د افغانستان عمده صادراتي توکي لکه وچ انځر، اینجه، زعفران، ممیز، شنه زیره او بادام هند ته لېږدول کېږي، په داسې حال کې چې له هند څخه بوره او د صنعتي کارخونو لپاره خام موادو په شمول واردات ترسره شوي.
په دې موده کې د افغانستان صادراتو هند ته ۴۴۷ میلیونه ډالرو ته رسیدلي، په داسې حال کې چې واردات یې ۲۰۳ میلیونه ډالر دي. دغه سوداګریز حجم د دواړو هېوادونو ترمنځ د اقتصادي اړیکو پر پراختیا او د سوداګرۍ په کچه د مثبت بدلونونو د ښکارندویي نښه ګڼل کېږي.
د دې راکړې ورکړې پراختیا له یوه اړخه د افغانستان صادراتو ته نوي بازارونه پرانیستې دي، چې په دې کې د زعفران او نورو صادراتو لا زیاتې غوښتنې راپېدا شوې دي. له بلې خوا، د هند څخه واردات د افغانستان د صنعتي پروسو لپاره مهم مواد برابروي، چې د تولید او د اقتصادي ودې لپاره اړین دي.
که دغه تمایل همداسې دوام وکړي، نو د افغانستان د اقتصادي سیاستونو په بدلونونو کې به د دې سوداګریزو اړیکو پراختیا یوه مهمه برخه شي. د دې ډول سوداګریزو اړیکو سره، افغانستان کولی شي چې د خپل اقتصادي پرمختګ لپاره نور فرصتونه برابر کړي، او په سیمه ییزه او نړیواله کچه د سوداګرۍ په توازن کې مثبت بدلونونه رامنځته کړي.